1. TANGI MO'ONI HOTO FAKAPO
KO 'ENI E TAU KUO KAPA HE
'AKILOTOA SI'OKU LOTO FALE
KOHAI MO KITA SI'A NOFO 'AUHE

2. 'ISE'ISA E HE ME'A MAMAHI
KO E NOFO MO E 'AMANAKI
FAKA'AMU PE KEKE 'ILO'IA MAI
SI'EKU PAEA MO E 'OFA NI

3. KO 'EKU FEHU'I LAUNOA PE
KI HE FIHI'ANGA 'O E MAILE
'A E FAKAMA'U HE 'ALETALE
HE'IKAI TEU LAVA SI'ANO VETE

Tau
HALA TOULIKI E KUO LAVA
HEVA E MANATU SI'OTO KAKALA
'ISA HE LOTO NI KUO TAKAVAHA
HUNGALU 'O PEA 'I LOTO MOANA.

1. TATAKI E SINGA 'OI PEA KE MANATU
SI'OTO 'ONIPA NEU 'AI KE NGALO 'IA AU

2. HULU 'A E 'OFA NA IA SI'ENE HAVALA
LOTO KEU HE 'I HA POTU 'OKU LALA

3. KA KO PALOVEPI 'OKU NE KEI TALA
KO SI'O SINO NA KO SI'OTO VALE'ANGA

Tau.
VALE'ANGA

1. LISIONE KUO TE SI'I 'AKILOTOA
SI'EKU 'OFA NI 'OKU KEI PULONGA
KO E FE SI'A LAFI'ANGA KO SI'O FOFONGA
KO E MAUMAU E 'ELILI PEA MO E LOKA

2. ANGI E MATANGI KATE 'UNALOTO PE
HE KUO KE VETEKINA 'ETA TALITE
'E TAKAUNOVE TEU SI'I FEFE?
HE KO SI'ETE TOKI TOFA VAHA 'ATA E

3. 'ILO 'E HA TAUKEI 'I HE TESITEMENITI
BRIGHT SI'O FOFONGA KO HOKU PALATAISI
SLAVE HOKU MAFU FONU 'I HE ONGOSIA
KA MAFULI E KANIVA ME'A FAKAMALA'IA

Tau
'AMUSIA PE MU'A HAO TUKUNGA MEESI
KA HE'IKAI TEU TOE VETEKI 'ETA PALOMESI
KO HOTO TAPU-KELI-SIO'ATA HE 'UNIVEESI
NEONGO HO'O MA'OLUNGA HANGE KO 'EVALESI.

1. TEU SANI MOU VIKI,FU'U TOTO KO E KOMAKI
    FAI'ANGA IA E LINGI MAMAHI
   'ISA E TOKOTOKO 'O E MAFI
   TEU HIKITA KA LAU MATAKALI
   TUE TEU(2X including bass)
   TEU TAPUNI MALU E TAFE
   TAPU E KOLOSI MO E VAKE
   TALA KE MAHINO HO SIAKALE
   HOTO NO'O LOTO HE FAKATETE

2. TEU FAKATU'UTA,'OFA LOI KO E FU'U TOTO
KO HOTO KAKALA TAU'AKI LOTO
TALATALAIFALE KE MAHINO
'ILO HOTO IVI HE ANGA HOTO POTO
HA!HA!(including bass)
HOLA KE VAVE NA'A KE TAFIA
HE KO E KALIA 'ENI 'O E HA'A TIKA
TUKU 'A E TAMULEA MO E KAILA
MO E FOALEA HE FAIVA MUSIKA

Tau
PAINI-TU'U-UA 'ENI KUO HOPO KI TU'A
KE FAKAMAHINO ANGA 'A HONO 'ALUNGA
TUPOU EFU TONGA KO E 'OVAVA TUPU'A
TAPUHA KE ALEA MO HA TU'A(2X whole above)
FOTU 'A IKA TA'ANE 'API KO MATA'U TULIKI
FAI'ANGA IA 'O 'EMAU FAKAFEKIKI
'OKA OSO PEA TAVA, 'A E HALA PAINI
VAI TUIMATE, HE VAI KO POKOUA
TUPU'ANGA IA 'O 'EKU KAUFANA
KO E LE'O E KALIA, 'O E TAMAHA
KE TU'U I PANGAI, PIKI-PEA-VELA.

Author: Unknown

1. SI'I HUNI 'O 'ATUMATA
FIO'ANGA E LAINE KAKALA
'ALAHA NGANGATU KO E MO'ONIA
PEFIUME 'O E HALA KASIA

2. HUHULU NE 'IKAI 'AO'AOFIA
HO'O HA 'I HE 'ATIMOSIFIA
IFO LEVA 'ETE SIUTAKA
HONO 'EA NE ANGI FAKALATA

Tau

KO SI'OTO KAKALA TAULEVA
KO E KALONIAHI 'O 'ATUMATA
FOKOTU'U 'O MATALA
KO HONO TOLI HE'IKAI LAVA
MATANGIA E 'OFA PEA NEU HE
HE TAULA E NAPA'A LILO E
UKU 'A FAFINE 'O 'ILO MEI HE
E MOANA 'OKU 'IKAI HANO TAKELE

Author: Unknown

1. PUIPUIANGE MO HOU'EIKI
KAU LEA'AKI SI'ETE FIFILI
KI HE ANGA 'O 'ETE VIVILI
KE SANITUNGUA 'O E NOFO TAIMI

2. MO'UI NI KO E FISI'I 'AKAU
HOPO E LA'A PEA NE NGANGATU
EFIAFI PEA PULI ATU
KO E HA LEVA HA'O LAU 'AU

3. MAMANI KO E FO'I NOA PE
TAKANGA MO MATE PEA 'IKU KI FE
TAU HOLA KI HE FALE 'O VAVE
FAKANONGA PEA MAHINO ANGE

TAU
KEKE TATAKI ATU AU
HOKU NIMA HE HALA
KI HE MO'UI TA'ENGATA.

Author: Unknown

1. SI'OTO SEI FE'OFA'AKI, TOLI HE HALA KOULA
KO HO KAHOA KO E, LOU PAINI-TU'U-UA
KO E LANU 'OKU HA, IA 'I HE 'UMATA
KO E FAKA'ILONGA, 'ETA TUKUPA

2. 'ISE'ISA 'OKA, MALU'AKI MAI 'A E PO
PEA TEU FAKA'AMUA, KE FEOHI MAI HE LOTO
NEU FIU HE 'UKUMA, 'O IKAI KE NGALO
'A HO'O TO'ONGA, TA KO E FAKAPO

3. NEU LAU KO E KOLOA, 'EKU MATA HO FOFONGA
KAE LELU AI SI'EKU, NOFO HE POTU MA'ONGANOA
PEA NEONGO 'E 'IKAI, LAU KI HA'O 'OFA
KAE SI'I TUKU A, KEU MATE AI A

TAU
'AMUSIA E MATANGI TOKELAU
PE KO E LA'A HE PEA MO E MAHINA
'OKU FAI 'A SI'ONAU FATONGIA
KI HE SINO 'O SI'OKU 'OFA'ANGA

Author: Unknown

1. TULOU,TULOU,TULOU MOE KUKUVALU
PILAMITI TUPU'A 'O E FANGATAPU
'ISA HO LANGI NA FAFA 'IA AU
KAU FAKAME'ITE MO LAU MAAU
FATA NI KE TALA PEA LAUKAU
'ISA TOPUVA'E'ANGA 'O E HAU

2. MO'UNGA 'O TONGA HE NA'A NE TALA
'OMI 'A E MOTO HO TA-PA-'I-FA
TALU AI SI'I KAKAU 'I VAHA
'A E KAIVAI 'O HA LEI FATA
PULEPULE KAI 'O HA KAU SUKA
LATA AU 'I HE VAO NUKONUKA

3. PULOTU NE FANA-FANA KIA AU
'A SI'OTA HUA FUOLOA FAU
PEA KAMO 'EKU MAAMA HE AVA-HUNGALU
'A E KOLO KAKALA LANGA E MANATU
'ISE'ISA E TOA, TOA KO MA'AFU
KEFUKEFU 'O E FOKOLOLO 'O E HAU(2X)

Author: Unknown

1. EFIAFI KATA MOHE A 'ENI
KATA LANGA 'EVA KEI HENGIHENGI
TOLIA HE NUKONUKA KEKE TU'U SEI
MOTUFIHIVALU HAO MAPALEI

2. NUSI FAIFIO HONO 'OKETI
LIPINE 'I TU'A-KI-FA-LELEI
KATA HIFO KI HE FANGA 'UFILEI
FANIFO 'ANGA E FINE TAUKEI

3. 'ISA HOTO PULE'OTO OLOVETI
NE LUFILUFI'I MO FAKALEKESI
LAUKAU HE KO E FINE PELE'I
'IKAI HA TAHA TENE TOE 'EKE'I

TAU.
LAKA KETA O(2X) KI HE HEKE 'O 'EVA KETA SEALUE(2X) MO 'AI'AI LEA
HE KO E FEFINE 'O E VAI KO LELEA
KUKUVALU TANGI HE MAPU-'A-VAEA.